A pesar de que o mercado de fichaxes continúa aberto, o inicio das competicións aproxímase e os equipos comezan a adestrar para chegar na mellor forma posible á data sinalada para arrincar a liga. A Preferente Sur non é a excepción e practicamente todos os equipos xa botaron a rodar. Os únicos que non comunicaron o comezo da pretemporada foron o Céltiga, o Atios e o Umia, aínda que todo indica a que xa se atopan preparando a tempada.

Inicio dos adestramentos

Ata seis equipos notificaron o comezo dos seus adestramentos, aínda que non así a folla de roteiro completo de partidos que seguirán ata o 8 de setembro, data elixida para que regrese a competición ligueira. 

É o caso do Verín, que iniciou a pretemporada o 30 de xullo coa mirada posta na Supercopa Galicia. O seu adestrador Miguel Sotelo afirmou “ter moita ilusión en facer unha boa campaña e consolidar o equipo na categoría”. “É un día especial para nós e queremos facer unha boa Supercopa”, engadiu o técnico. 

O Moaña de Edu Charlín volveu ao campo o mesmo día que o cadro verinés. Pola súa parte, o Xuvenil de Ponteareas, baixo as ordes de Ramiro Sorbet, fixo o propio dous días despois, o 1 de agosto.

Doutra banda, un dos máis madrugadores foi o Atlántida de Matamá, que pasou á acción a principios da última semana de xullo e que debuta hoxe fronte ao Valladares de Terceira RFEF. Pola súa banda, o Atlético Arnoia brindou unha fin de semana máis de descanso aos seus xogadores, que volveron ao traballo o luns 5 de agosto na Queixeira.

Collendo sensacións en partidos

Algúns equipos xa comezaron a medir forzas #ante outros conxuntos en partido amigable. É o caso do Pontevedra B, que foi un dos primeiros en empezar a adestrar, e que este martes derrotou por 0-2 ao Lalín, de Preferente Norte.

Más folgada foi a vitoria do Beluso no seu primeiro compromiso. O conxunto de Bueu goleou por 5-0 ao equipo xuvenil do AJ Lérez no encontro disputado en As Laxes e ten na súa axenda os choques ante o Marcón Atlético, Pontevedra B, A Lama, Erizana, Ribadumia e Alondras.

Outro dos cadros que comezou cunha vitoria foi o Portonovo, que este mércores terá un duelo de moito nivel contra o Arosa en Baltar. O equipo arlequinado derrotou por 1-2 ao Cordeiro grazas a un dobrete de Keko Ventín e xa pensa en futuros compromisos. Á parte do Arosa, os pupilos de Jose Luis Salgueiro xogarán ante Vilalonga, Marcón Atlético, San Martín e Unión Dena.

O triunfo do Cultural Areas por 2-0 fronte ao Santa Mariña significou unha gran dose de moral a un equipo que terá un dos seus principais obxectivos da tempada antes de empezar a liga, a Supercopa Galicia. O equipo da Lomba, que este xoves mídese ao Val Miñor, terá unha eliminatoria a ida e volta fronte ao Atlético Escairón e o resultado condicionará o resto da súa pretemporada.

Folla de roteiro perfilada

Seis clubs confirmaron nas súas redes sociais a súa planificación de partidos para esta pretemporada. Un dos casos con máis incógnitas é o do Rápido de Bouzas, que vive unha situación moi difícil e aínda non se sabe en que condicións sairá a competir. O equipo do Baltasar Pujales enfrontarase, en principio, a Gran Peña, Val Miñor, Valladares, Moaña, Gondomar, Ribadumia, Alondras e Tyde.

Este mércores será a quenda do Cented Team, que presentará o seu proxecto nun amigable ante o Melías. O conxunto ourensán terá unha preparación chea de partidos e medirase a Barbadás, Maceda, Sporting Celanova, VDE Ourense, Antela e Polígono San Ciprián.

O último en anunciar a súa folla de roteiro foi o Porriño Industrial, que debutará este sábado nun triangular contra o Xuvenil de Ponteareas e o Progresista. Os de Rubén González tamén se enfrontará a Goián, Tyde, Domaio, Alondras e Barbadás. O Choco tamén se estreará esta fin de semana #ante o Alertanavia, co Val Miñor, Alondras e Arcade na recámara.

O 10 de agosto parece a data fixada por moitos equipos para coller as primeiras sensacións, posto que o Juventud Cambados fará o propia fronte ao Zacande. A pretemporada dos de Burgáns complétana o Caldas, o Alondras, o Noia, o Pontevedra, o Campo Lameiro e o Arcade.

Doutra banda, o Barco debutará mañá #ante o equipo xuvenil da Ponferradina. Os de Calabagueiros enfrontaranse ao Toralense, ao Polvorín, ao Barbadás, ao Lemos e ao filial da Ponferradina. Como incógnita está o Trofeo Vega que se celebrará entre o 15 e o 17 de agosto.