Velaquí o noveno capítulo do noso podcast ‘O terceiro tempo’. Un espazo que repasa as diferentes categorías do fútbol galego afeccionado os domingos pola noite, en pleno ‘prime time’. Todo o que aconteceu na Terceira RFEF, Preferente Norte e Sur así como os seis grupos da Primeira Futgal.

Esta nova aventura está pensada para evitar ese tedioso traballo de entrar acta por acta para ‘cotillear’ a colegas e rivais unha vez remata a xornada. Todas estarán concentradas nun único formato, atractivo e funcional. Con só premer o ‘play’ estarás informado de todo. Fácil, sinxelo e para toda a familia.

E quen será o mestre de cerimonias deste espazo multimedia e radiofónico? Pois non é outro que o comunicador lucense Suso Vázquez. Polivalente onde os haxa, a súa condición de Adestrador UEFA PRO e a súa oratoria; son as súas mellores cartas de presentación. A continuación o audio correspondente ao noveno episodio de ‘O terceiro tempo’.