En FutbolinGalicia non nos olvidamos dos xogadores, adestradores, afeccionados, directivos, árbitros, equipos e demais membros do noso fútbol, é dicir, de todos aqueles que día a día aportaron o seu gran de area para que o fútbol galego sexa do mellor do fútbol español. O protagonista desta nova entrega de Os Vintage é a AD Covadonga 2017/2018, que logrou o ascenso a Primeira Galicia.

Os nomes do ascenso da AD Covadonga

O gardameta Rubén Figueiredo; os defensas Abelardo Iglesias, Daniel Oswaldo Vegas, Evaristo Méndez, Alfonso Calvo, Hugo Santalices, Jorge Muñoz, Marcos López, Mauro Outeiriño y Víctor Sotelo; os centrocampistas Adrián González, José Antonio Apolinar, Iván González, Kevin Tena, Luis Alfonso Vilachá, Rubén Meleiro, David Seara y Víctor Méndez; e os dianteiros Rubén Aguilar, Carlos López, Javier Rodríguez, Adrián Soto, Antonio Carballo y Víctor Manuel Sotelo tiveron minutos durante o transcurso do Grupo 8 ourensán da Segunda Galicia 2017/2018. Luis Javier Silva Muñoz, adestrador, e Manuel Estévez Atanes, delegado, dirixían dende o banco ao conxunto das Eiroas.

Vinte e cinco vitorias, tres empates e unicamente dúas derrotas conforman os resultados dos nosos protagonistas nas trinta xornadas de competición ligueira. Os setenta e oito puntos logrados outorgáronlles, ademais do ascenso, o campionato do grupo 8 da Segunda Galicia. Cabe destacar a aportación ofensiva de Víctor Manuel Sotelo Domínguez e Antonio Carballo, autores de trinta e dous e nove goles respectivamente. Entre os dous atacantes anotaron preto da metade dos noventa e dous tantos que os das Eiroas conseguiron nesta histórica tempada.

Esta tempada non saíu a competir

Por desgraza a AD Covadonga forma parte da lista de equipos desaparecidos do mapa futbolístico galego dos últimos anos. Na tempada 2024/2025 competiu na Terceira Futgal, acabando en sexta posición. No último partido da súa historia venceu por 1-2 ao CD O Irixo, con goles de Hugo Santalices, de penalti, e de Miguel Vázquez.

Foto portada: Instagram AD Covadonga