Quedan 40 días para o comezo da Terceira RFEF e son moitos os equipos que comezan este luns a pretemporada. Directivas e operarios tamén traballan para que os campos da categoría presenten o mellor aspecto posible o 7 de setembro, data de inicio da liga.
Dende FutbolinGalicia imos quentando motores para esa data e queremos preguntarvos cal é para vós o mellor campo do grupo galego da Terceira RFEF. Vota polo teu favorito no seguinte formulario:
Os 18 campos da Terceira
O Vero Boquete de San Lázaro (Compostela) será o campo con maior capacidade da categoría. Non faltarán clásicos da Terceira, como A Lomba (Arosa), Barraña (Boiro), Alcalde Manuel Candocia (Somozas) ou A Magdalena (Villalbés). Na área da Coruña atopamos o da Grela (Silva) e Ponte dos Brozos (Arteixo). No caso da zona de Vigo, Barreiro (Gran Peña) en Lavadores e O Morrazo (Alondras) en Cangas.
Outros dos campos nos que gozaron de bo fútbol a pasada temporada foron o Novo Municipal (Estradense) e o Julio Mato (Noia). Na provincia de Lugo atopamos A Cheda (Lugo B) e Cantarrana (Viveiro). Na de Ourense, Os Carrís (Barbadás).
Entre os equipos ascendidos, Calabagueiros (Barco), Burgáns (Cambados), Visma 1 (Montañeros) e o Salvador Otero (Céltiga), un campo ao pé do mar.
