O Top 3 mensual da Terceira RFEF feminina continúa consolidándose como un espazo de recoñecemento ao rendemento das xogadoras ao longo da tempada. Tras pechar a votación correspondente ao mes de decembro, xa se coñecen as tres futbolistas máis apoiadas pola afección, ao tempo que se abre unha nova enquisa para elixir ás mellores de xaneiro.
O podio de decembro encabezado por Laura Santos
A gañadora da votación de decembro foi Laura Santos (EFM Concello de Boiro), que encabezou a clasificación grazas ao seu rendemento constante e ao respaldo recibido por gran parte da afección.
Xunto a ela, completaron o Top 3 Candela Vázquez (Victoria FC), unha das xogadoras máis destacadas do seu equipo nesta primeira parte da competición, e Paula González (Sárdoma CF), peza importante nun Sárdoma que non acaba de arrincar esta tempada.
Escolle ás túas xogadoras favoritas de xaneiro
A votación para escoller o teu Top 3 xa está aberto. Podedes votar no formulario que deixamos a continuación. As gañadoras anunciaranse nas redes sociais de FutbolinGalicia.
