O balón xa está en xogo na maioría de categorías do fútbol galego, á espera de que algúns grupos da Terceira Futgal se incorporen á competición esta fin de semana. Nestas primeiras xornadas, varios son os futbolistas que comezaron destacando polo seu acerto goleador. Velaquí os nomes propios deste arranque ligueiro e que aspiran a ser importantes na presente campaña.

Máximos goleadores da Terceira RFEF

• Aday Alcalde (Lugo B): tres goles en tres partidos. O habilidoso extremo valisoletano incorporouse á disciplina albivermella neste mercado de verán procedente do Atlético Albacete.
• Mario Constenla (Noia): tres goles en tres partidos. O mediocentro de Soutelo de Montes formouse nas canteiras do Pontevedra e do Compostela.

Na Preferente Futgal

• Adrián Pereira (Negreira, grupo 1): catro tantos en tres partidos. Dianteiro procedente do Sigüeiro con anos de traxectoria no Boiro.
• No grupo 2, a estatística está máis repartida. Hai un total de sete xogadores que anotaron dous tantos nas primeiras tres xornadas. Entre eles, dous do mesmo equipo: Flor e Jony, do Sporting Celanova.

Os seis da Primeira Futgal

• Samuel Rumbo (Oza Juvenil, grupo 1): cinco goles en tres partidos.
• Alexandre Villaravid (Boimorto, grupo 2): cinco goles en tres partidos.
• Pablo Castrín (Ribadeo, grupo 3): catro goles en tres partidos.
• Manuel González (Maside, grupo 4): catro goles en tres partidos.
• Nuno Rivero (Agolada, grupo 5): tres goles en tres partidos.
• Raúl Alonso (Ribera, grupo 6): catro goles en dous partidos.

Tamén na Segunda Futgal

• Raúl Rey (Culleredo, grupo A Coruña): cinco goles en tres partidos.
• Nicolás Santomé (Goiriz, grupo Lugo 1): cinco goles en dous partidos.
• Javier Rodríguez (Rayo 21, grupo Ourense): catro goles en tres partidos.

Imaxe de portada: Oza Juvenil